गोदावरीधाममा बिहानदेखि स्नान गर्नेहरुको घुइँचो

गोदावरीधाममा बिहानदेखि स्नान गर्नेहरुको घुइँचो

धनगढी । आज माघ १ गते अर्थात माघे संक्रान्ति । माघे संक्रान्तिको अवसरमा कैलालीको गोदावरीधाममा धार्मिक मेला लाग्ने गरेको छ ।

गोदावरी धाममा आज बिहानदेखि स्नान गर्नेहरुको घुइँचो सुरु भएको छ ।

सूर्य धनु राशिबाट मकर राशिमा प्रवेश गर्ने सङ्क्रान्ति भएकाले माघ १ गतेलाई मकर (माघे) सङ्क्रान्ति भनिन्छ।

माघ १ गतेदेखि उत्तरायण सुरु हुने भएकाले दिनभन्दा रात छोटा हुँदै जान्छन् । उत्तरायण सुरु हुने दिनको स्नान, जप, तप, ध्यान साधना, दान आदिलाई पुण्य दायक मानिन्छ।

बिहानै तीर्थस्थलमा गई स्नान गरेर तील दान गर्नाले सुन दान गरे सरहको पुण्य प्राप्त हुने धार्मिक विश्वास छ। धर्मसिन्धुमा माघ १ मा घ्यू, चाकु, तिलका परिकार, खिचडी नखाने, दान नगर्ने, जलाशयमा गई स्नान नगर्ने, ध्यान नगर्ने व्यक्ति जीवनभर रोगी हुने विश्वास रहेको छ ।

माघे सङ्क्रान्तिका दिन घ्यू, चाकु, तिलका परिकार, तरुल, पालुङ्गो, खिचडी आदि खाने चलन छ।

यी परिकारले जाडोमा न्यानो प्रदान गर्ने भएकाले चिसो समयमा पर्ने पर्वमा तातो परिकार खाने गरिएको हो ।