शनिबार ०८, मङि्सर २०८१ ११:१२
काठमाडौं । इटाली र नेदरल्याण्ड महिला विश्वकप फुटबलको क्वार्टरफाइनलमा पुगेका छन् । फ्रान्समा जारी प्रतियोगिताको मंगलबार राति भएको खेलमा चीनलाई २–० गोल अन्तरले पराजित गर्दै इटाली क्वार्टरफाइनलमा पुगेको हो ।
इटालीको जितमा भालेन्टिना गियासिन्टी र अरोरा गालीले एक एक गोल गरिन् । क्वार्टरफाइनलमा इटालीले नेदरल्याण्डसंग खेल्नेछ ।
एसियाली फुटबलको पावर हाउस जापानलाई २–१ गोल अन्तरले पराजित गर्दै नेदरल्याण्ड क्वार्टरफाइनलमा पुगेको हो ।
खेलको अन्तिम मिनेटमा पेनाल्टीमार्फत गोल गर्दै नेदरल्याण्ड क्वार्टरफाइनलमा पुगेको हो ।
खेलको १७ औं मिनेटमा नेदरल्याण्डले खेलमा अग्रता लिएको थियो । लिटके मार्टेन्सले गोल गर्दै डच टोलीलाई अग्रता दिलाएकी थिईन् । ४३ औ मिनेटमा हसेगावाको गोलबाट जापान खेलमा फर्किएको थियो ।
खेलको अन्तिम मिनेटमा मार्टेन्सले पेनाल्टीमा गोल गर्दै नेदरल्याण्डलाई क्वार्टरफाइनलमा पुर्याइन् ।
यो खेलसंगै क्वार्टरफाइनल पुग्ने टिमहरुको टुंगो पनि लागेको छ ।
यसअघि जर्मनी, नर्वे, इंगल्याण्ड, फ्रान्स, अमेरिका र स्वीडेन क्वार्टरफाइनलमा पुगेका थिए ।
प्रतिकृया दिनुहोस