शुक्रबार १६, कार्तिक २०८१ ०३:३२
धनगढी,११जेठ । धनगढी उपमहानगरपालिका वडा नम्बर ५ को वडा कार्यालयले बालबालिकालाई मदिराजन्य तथा सुर्तीजन्य पदार्थ सेवन तथा विक्री वितरण नगर्न नगराउन निर्यण गरेको छ ।
बुधबार वडा कार्यालयले पत्रकार सम्मेलनको आयोजना गरी आफनो क्षेत्रभित्र सञ्चालनमा रहेका व्यवसायी तथा अभिभावकहरूले मदिराजन्य तथा सुर्तीजन्य पदार्थ सेवन तथा विक्री वितरणमा १८ वर्ष मुनिका बालबालिकालाई प्रयोग नगर्न आग्रह गरेको छ । । वडा अध्यक्ष शाहीले बालबालिकाहरूले धुम्रपान र मद्यपान विक्री वितरण तथा सेवन गरिरहेको गुनासो बढेपछि सो वडा कार्यालयले चासो व्यक्त गरेको अध्यक्ष शाहीले बताए ।
उनका अनुसार लागुपदार्थ दुर्व्यसनी नियन्त्रणका लागी आफु सदैव लागी पर्ने बताउदै कसैले नियम विपरित काम गरे वडा कार्यालयले ऐन बमोजिम वडामा सो नियमलाई कडाईका साथ अघि बढाएको बताए । उनले यससँगै वडा कार्यालय क्षेत्रभित्र रहेका विद्यालय तथा सार्वजनिक कार्यालयको एक सय मिटरभित्र सुर्तीजन्य तथा मदिराजन्य पदार्थ विक्री वितरणमा पनि रोक लगाइने बताए ।
प्रतिकृया दिनुहोस