धनगढी–अत्तरिया ६ लेन सडक खण्डमा हायस  दुर्घटना,१६ जना घाईते

धनगढी माघ १०   धनगढी–अत्तरिया ६ लेन सडक खण्डमा ट्रकसँग हायस ठोक्किएर दुर्घटना हुँदा १६ जना घाइते भएको प्रहरीले जनाएको छ ।

अत्तरियाबाट धनगढीतर्फ आइरहेको सु प प्र ०२ ००१ ख ११६६ नम्बरको हायसले ना ४ ख १९१५ नम्बरको ट्रकलाई पछाडिबाट ठक्कर दिँदा पाठक पेट्रोल पम्प नजिक दुर्घटना भएको हो। दुर्घटनामा घाइते १६ जना मध्ये १४ जना सामान्य रहेको र हायसका चालक र एक जना महिलालाई मध्यम चोट लागेको प्रहरीले जनाएको छ। प्रहरीका अनुसार ६ लेन सडकमा हायसले ट्रकलाई पछाडिबाट ठक्कर दिँदा दुर्घटनामा परी हायस चालक गौरीगंगा नगरपालिका–९ बस्ने ३५ वर्षीय धर्मराज जोशी घाइते भएका छन् ।

यस्तै धनगढीकी अम्रिता चन्द, दिपिका जोशी, विमला जोशी, कञ्चनपुर भीमदत्त नगरपालिका–१९ की शारदा भट्ट, गोविन्द भट्ट, शुक्लाफाँटा नगरपालिकाका मणी जोशी, रमेश जोशी र पुष्पा भट्ट घाइते भएका छन्। यस्तै भारतको लखनउ बस्ने चन्द्री रावत, महेन्द्र रावत, अविजित रावत, रुपन हरिजंग, किशोर हरिजंग, प्रेम कुँवर र रजनी हरिजंग घाइते भएका छन्।  घाइतेको धनगढी र अत्तरियाका विभिन्न अस्पतालमा उपचार भइरहेको इलाका प्रहरी कार्यालय मालाखेतीका प्रमुख, प्रहरी नायब उपरीक्षक नवराज पोखरेलले जानकारी दिए।