नेपाल औषधी  ब्यवसायी संघको प्रदेश अध्यक्षमा बम

धनगढी साउन ३० नेपाल औषधी  ब्यवसायी संघ सुदूरपश्चिम प्रदेशको प्रथम भेलाले पृथ्बी बमको अध्यक्षतामा निर्बिरोध प्रदेश कार्यसमिति चयन गरेको छ ।
संघको बरिष्ठ उपाध्यक्षमा फोनिराम चौधरी,उपाध्यक्ष थोकमा टेकनारायण पौडयल,उपाध्यक्ष खुद्रामा कैलाशचन्द्र भट्ट,महासचिब गजेन्द्र लेखक,कोषाध्यक्षमा दिनेश चौधरी,सह कोषाध्यक्ष साहिबा राना र सचिवमा रामबहादुर चौधरी चयन भएका छन ।
कार्यसमितिको सदस्यहरुमा भगवतीदास चौधरी,जितराज भट्ट,शंकर शर्मा,घनश्याम कलौनी,डोगांली चौधरी रहेका छन ।
कार्यक्रमको उदघाटन कार्यक्रमा बोल्दै नेपाल औषधी ब्यवसायी संघका केन्द्रय अध्यक्ष मृगेन्दमेहर  श्रेष्ठले अहिलेको जटिल अवस्थामा औषधी ब्यवसायीको महत्वपुर्ण भुमीका रहेको बताए ।  साथै उहाँले  संघले ब्यवसायीका हकअधिकार बारेमा बिगत देखि आवाव उठाउदै आएको र आगामी दिनमा समेत आवाज उठाउने बताए ।
कार्यक्रमा संघका केन्द्रीय  बरिष्ठ उपाध्यक्ष प्रकाश खण्डेलवाल, उपाध्यक्ष सुलि श्रेष्ठ र रामप्रसाद खरेल  महासचिब रामचन्द्र शर्मा लगायत केन्द्रिय सदस्य गया प्रसाद कुस्मी, डोटी,बाजुरा,अछाम र बझाङ संयुक्त शाखाका अध्यक्ष हिक्मत सिह चोप्डा लगायतले बोल्नु भएको थियो ।
प्रथम भेलामा चार शाखा र दुई अञ्चल शाखाका ६८ जना प्रदेश प्रतिनिधीको सहभागीता रहेको थियो ।