बाह्रवन दोस्रो आमन्त्रीत गौरीगंगा कप २०७५ को आयोजना हुने

खेलकुद

बाह्रवन दोस्रो आमन्त्रीत गौरीगंगा कप २०७५ को आयोजना हुने
युग नेपाल धनगढी फागुन २१

खेलकुदको बिकासमा सहकार्य गरि गौरीगंगा नगरपालीका र सिङ्गो सुदुर पश्चिमलाई खेलकुद पर्यटनको रुपमा बिकास गरौ भन्ने उद्धेश्यले  कैलालीको गौरीगंगा नगरपालिकामा  बाह्रवन दोस्रो आमन्त्रीत गौरीगंगा कप २०७५ हुने भएको छ ।

आज धनगढीमा पत्रकार सम्मेलन गरि गौरीगंगा ११ स्पोर्ट क्लवको आयोजनामा यही फागुन २५ देखी चैत ४ सम्म सञ्चालन हुने जानकारी दिएको हो ।

खेलकुदको बिकासले नै सभ्य समाज र सामाजिक बिकासमा पृथक अभ्यास थप्न सकिन्छ भन्ने उद्धेश्यले प्रथम आमन्त्रीत गौरीगंगा कपको सफलता पछि दोस्रो आमन्त्रीत गौरीगंगा कपको आयोजना गरेको आयोजकले कल्बका अध्यक्ष दिनेश कलेलले बताउनुभयो ।

यस प्रतियोगितामा कुल  १६ वटा टिमको सहभागी हुने आयोजकले जनाएको छ । करिब साढे २६ लाखको लागतमा खेलको  बिजेताले ३ लाख र उपबिजेताले १ लाख ५० हजार सहित कप,प्रमाण पत्र र मेडल पुरस्कार प्राप्त गर्ने जनाएको छ ।

यस्तै सर्वोत्कृष्ट खेलाडीलाई ३० हजार सर्वाधिक गोलकर्ता,उत्कृष्ट गोलरक्षक,उत्कृष्ट रक्षक,उदयमान खेलाडी उत्कृष्ट फरवार्डलाई  जनहि ,१०÷१० हजार, र म्यान अफ द म्याच लाई २ हजार ५ सय प्रदान गरिने आयोजकले जनाएको  छ ।