भारतीय क्रिकेट टोली सिध्याउने धम्की, पाकिस्तानले दियो खबर

Yugnepal 737 पटक पढिएको

काठमाडौं । वेस्टइन्डिज भ्रमणमा रहेको भारतीय क्रिकेट टोलीलाई सिध्याउने धम्कीको हल्ला फैलिएको छ । पाकिस्तानी समाचार च्यानल जियो टीभीले यसको जानकारी दिएको हो । पाकिस्तानी क्रिकेट बोर्डमा एक धम्कीपूर्ण इमेल आएको थियो ।

पीसीबीले यो जानकारी आईसीसीको माध्यमबाट बीसीसीआईलाई दिएको थियो । त्यसपछि भारतीय टोलीको सुरक्षा बढाइएको छ । बीसीसीआईले यो धम्कीलाई हल्लामात्र भएको बताएको छ । वेस्ट इन्डिजले पनि हरसम्भव सुरक्षा प्रदान गरिने बताएको छ । बीसीसीआईले आफ्ना खेलाडीको सुरक्षामा कुनै कमी आउन नदिने बताएको छ ।

भारतीय क्रिकेट टोलीका म्यानेजर सुनील सुब्रमण्यमले सबै खेलाडीलाई यसबारेमा जानकारी दिँदै सचेत रहन निर्देशन दिएका छन् । उनले कतै जानुपर्दा पनि सूचना दिएर मात्र हिँड्न आग्रह गरेका छन् ।

सोमबार ०२, भदौ २०७६ ०२:४५ मा प्रकाशित