शनिबार ०८, मङि्सर २०८१ ०८:१५
काठमाडौं । ब्रेण्डन म्याक्कुलम इण्डियन प्रिमियर लिग आईपीएल क्रिकेट टिम कोलकाता नाइट राईडर्सको मुख्य प्रशिक्षक नियुक्त भएका छन् ।
कोलकाताले बिहीबार न्युजिल्याण्डका पूर्व क्रिकेटर म्याक्कुलमलाई मुख्य प्रशिक्षकको जिम्मेवारी दिएको हो ।
न्युजिल्याण्डका पूर्व कप्तान३७ वर्षे म्याक्कुलम कोलकाताका पूर्व खेलाडीसमेत हुन् । उनले सन् २००८ देखि १० सम्म तथा २०१३ र १३ को गरी पाँच सिजन कोलकाताबाट खेलेका थिए ।
मुख्य प्रशिक्षक नियुक्त भएपछि म्याक्कुलमले प्रशिक्षकको जिम्मेवारी पाउदा गौरव महसुस भएको बताए ।
उनलाई दक्षिण अफ्रिकाका प्रशिक्षक ज्याक कालिसको स्थानमा ल्याइएको हो ।
यस्तै कोलकाताले सिमोन कटीचलाई सहायक प्रशिक्षक नियुक्त गरेको छ ।
प्रतिकृया दिनुहोस