बिहिबार ०६, मङि्सर २०८१ १२:५७
काठमाडौं । विश्व फुटबलको सर्वोच्च निकाय फिफाले इंगलिश प्रिमियर लिग च्याम्पियन म्यान्चेस्टर सिटीलाई जरिवाना गरेको छ ।
ट्रान्सफर जोन अन्तर्गत युवा खेलाडी अनुबन्ध गर्दा फिफाको नियम मिचेको भन्दै फिफाले सिटीलाई ३ लाख १५ हजार पाउन्ड जरिवाना गरेको हो ।
फिफाले सिटीले १८ वर्ष मुनिको खेलाडी अनुबन्धको नियम उल्लंघन गरेको जनाएको छ । अन्तर्राष्ट्रिय ट्रान्सफरमा १८ वर्ष माथिका खेलाडीले मात्र अनुमति पाउने फिफाको नियम रहेको छ ।
सिटी फिफाको प्रतिबन्धबाट भने जोगिएको छ । क्लबका अध्यक्ष खाल्दुन अल–मुबारकले यो समाचारले केही राहत दिएको बताएका छन् ।
प्रतिकृया दिनुहोस