एलक्लासिको भिडन्तमा रियाल मड्रिड निरीह, बार्सिलोना पुग्यो कोपा डेल रेको फाइनलमा

खेलकुद

एलक्लासिको भिडन्तमा रियाल मड्रिड निरीह, बार्सिलोना पुग्यो कोपा डेल रेको फाइनलमा 

काठमाडौं । एलक्लासिको फुटबल भिडन्तमा बार्सिलोलानले शानदार प्रदर्शन गरेको छ । स्पेनिश कोपा डेल रे भिडन्तमा बार्सिलोनाले रियाल मड्रिडलाई हराएर फाइनलमा पुगेको हो । 

बुधबार राति भएको सेमिफाइनलको दोस्रो लेगमा रियल मड्रिडलाई ३–० गोल अन्तरले पराजित गर्दै बार्सिलोनाले फाइनलमा स्थान बनाएको हो ।

त्जभ भखभलष्लन दभअबmभ झदबचचबककष्लन ायच च्भब िःबमचष्म धजभल अभलतचब िमभाभलमभच च्बउजबभ िख्बचबलभ कअयचभम बल यधल नयब
ि
पहिलो लेगमा १–१ को बराबरी खेलेको बार्सिलोनाले दोस्रो लेगमा शानदार खेलेको हो । बार्सिलोनालाई रियालकै मैदानमा पराजित गर्न लुइस स्वारेजले दुई गोल गरे । 

एक गोल भने रियालले आत्मघाती गरेको हो । राफायल भरानेले आत्मघाती गोल गरेका हुन् । 

समग्रमा ४–१ को जितसहित फाइनलमा पुगेको बार्सिलोनाले पहिलो हाफ गोलरहित बराबरीमा खेले पनि दोस्रो हाफमा आकर्षक खेल्यो । 

खेलको ५० औं मिनेटमा स्वारेजले गोल गर्दै बार्सिलोनालाई सुरुवाती अग्रता दिलाए । 

खेलको ६९ औं मिनेटमा भरानेले आत्मघाती गोल गर्दा बार्सिलोना २–० ले अग्रता बनाउन सफल रह्यो ।  

त्यसपछि खेलको ७३ औं मिनेटमा स्वारेजले पेनाल्टीबाट व्यक्तिगत दोस्रो गोल गर्दै बार्सिलोनालाई फाइनलमा पुर्याए । 

घरेलु मैदानमै रियालको यो हारले टोलीको मनोबल घटेको छ । 

अब बार्सिलोनाले उपाधिका लागि भ्यालेन्सिया र रियाल बेटिस बीचको विजेतासंग फाइनलमा खेल्नेछ ।