जागिरबाट रिटायर्ड भएका हरुका लागि खुसीको खवरः संचय कोषले पनि सुरु गर्‍यो अनलाईन भुक्तानी सेवा

कर्मचारी सञ्चय कोषले कर्जा प्रवाहमा अनलाइन प्रणाली ल्याएको छ । कोषले बुधबारदेखि लागू हुने गरी सञ्चय कर्ताहरुलाई सहज कर्जा प्रवाहमा सहयोग पुग्ने गरी अनलाइन सिष्टम ‘इनभेष्टमेन्ट लोन म्यानेजमेन्ट सिष्टम’९ईएलएमसी० ल्याएको हो ।

अनलाइन ट्रान्जेक्सन ईएलएमसी कार्यान्वयनमा आएसँगै अब संचयकर्ताहरुले कर्जा माग गर्दा बैंक सम्म धाउन नपर्ने भएको छ । आफ्नै मोबाइलबाट अनलाइन मार्फत कोषसँग कर्जा माग गर्न सकिने र माग गरेको कर्जा सिधै आफ्नो एकाउण्टमा टान्सफर हुने भएको छ । यसबाट कर्जा मागमा लाग्ने शुल्क समेत घटेको छ । यस अघि कर्जा मागमा लाग्दै आएको ३० रुपैयाँ शुल्क अब अनलाइन प्रणाली आएपछि १० रुपैयाँ मात्र तिरे हुने भएको छ ।

अनलाइन ट्रान्जेक्सनको उद्घाटन गर्दै कोषले पहिलो पटक नेपाली सेनाका कर्मचारीलाई अनलाइन मार्फत कर्जा भूक्तानी गरेको छ । कोषले नेपाली सेनाका जवान सुरेश कुमार यादवलाई घर कर्जा वापत १६ लाख रुपैयाँ अनलाइबाटै भूक्तानी दिएको हो ।

कर्जा भूक्तानीबाट अनलाइन प्रणालीको सुरुवात गरेको र अब कोषको सबै खाले आर्थिक कारोबार तथा भूक्तानीमा अनलाइनमा लगिने कोषका प्रवन्ध निर्देशक तुलशी प्रसाद गौतमले बताए ।

‘संचय कोषमा बल्ल टेक्नोलोजी प्रयोगको शुरुवात भएको छ’, गौतमले भने, ‘कर्जा भुक्तानीबाट शुरु भएको यो प्रविधि अब विस्तारै कोषको सबै कारोबारमा लागू गरिने छ । त्यसका लागि कोषले तयारी गरिरहेको छ ।’

कोषले यसअघि संचयकर्तालाई चेकमार्फत कर्जा भूक्तानी दिँदैआएकोमा अब सिधै बैंक एकाउण्टमा रकम ट्रान्सफर गर्ने छ । कर्जाका लागि कोषको आधिकारी पेज जततउस्ररकष्तभ।भउालभउब।िअयm।लउर मा गएर फर्म भर्न सकिन्छ ।

गौतमका अनुसार यसै आर्थिक वर्षमा कोषले प्रविधि९आईटी० का लागि मात्र २५–२६ करोड बजेट छुट्याएको छ ।

पहिले हिमालय बैंक र एनएमबी बैंकबाट मात्र भूक्तानी दिइरहेको कोषले अब अनलाइन मार्फत संचय कर्ताको जुनकुनै बैंक खाताबाट रकम भूक्तानी दिने छ । हाल कोषले वार्षिक २ लाख ५० हजार संचय कर्ताहरुको रकम भूक्तानी गर्दै आएको छ । करिब ६ लाख कर्मचारी९संचय कर्ता० रहेको कोषमा करिब २ लाखको केवाईसी विवरण राखिसकेको र बाँकी ४ लाखको यसै आर्थिक वर्ष भित्र पूरा गरिने कोषले बताएको छ ।