आइतबार ०९, मङि्सर २०८१ ०३:१५
काठमाडौं । इंगल्याण्डमा भइरहेको एक दिवसीय विश्वकप क्रिकेटमा सोमबार दुई घाइते बाघहरु श्रीलंका र वेष्ट इन्डिज भिड्दै छन् ।
वेष्ट इन्डिजले विश्वकपका सुरुका दुई संस्करण ९सन् १९७५ र सन् १९७९० को उपाधि जितेपछि उपाधि जित्न सकेको छैन । श्रीलंकाले सन् १९९६ पछि उपाधि जित्न सकेको छैन ।
नयाँ शताब्दीमा आएपछि त यी टोलीहरुको उतारचढाव बढी नै छ । जारी विश्वकपमा श्रीलंका सातौं तथा वेष्ट नवौं स्थानमा छ ।
श्रीलंकाको ७ खेलबाट ६ अंक छ । आइतबार राति इंगल्याण्डले हराएपछि श्रीलंका पनि सेमिफाइनलको सम्भावनाको होडबाट बाहिरिएको थियो ।
वेष्ट इन्डिज ७ खेलबाट ३ अंकसहित पुछारबाट दोस्रो स्थानमा रहेको हो । निकै खराव खेलेको वेष्ट इन्डिजले १ खेलमात्र जितेको छ ।
सोमबार दिउँसो ३ः१५ बजे चेस्टर–ले–स्ट्रिटमा हुँदै गरेको खेल केवल आफ्नो पुरुस्वार्थ जोगाउनमात्र काम लाग्नेछ ।
हेड ट हुेड
दुवैले आपसमा ५६ एक दिवसीय खेलेका छन् । जसमा वेष्ट इन्डिजले २८ तथा श्रीलंकाले २५ खेल जितेको छ । तीन खेलमा नतिजा आएको थिएन ।
विश्वकपमा भने दुवैले आपसमा ८ खेल खेलेका छन् । जसमा वेष्ट इन्डिज ४ तथा श्रीलंका ३ खेलमा विजयी भएको थियो । एक खेलमा नतिजा आएको थिएन ।
श्रीलंकाले सन् २००७ को विश्वकपमा हराएको थियो भने वेष्ट इन्डिजले पछिल्लो जित सन् १९९२ मा निकालेको थियो ।
इंगल्याण्डमा भने यो टिम ४० वर्षपछि आमने सामने हुँदैछ । तेस्रो पटक यी टिम आमने सामने हुन लागेका हुन् ।
दुई खेल वेष्ट इन्डिजले जितेको थियो भने सन् १९७९ मा वर्षा भएका कारण खेल रद्द भएको थियो ।
प्रतिकृया दिनुहोस