शुक्रबार ०७, मङि्सर २०८१ १०:४१
काठमाडौं । नेपाल कम्युनिष्ट पार्टी नेकपाको सचिवालय बैठक लामो समयपछि मंगलबार बस्दैछ । प्रधानमन्त्री एवं पार्टी अध्यक्ष केपी शर्मा ओली यही जेठ २५ गतेदेखि युरोप भ्रमणमा जाने भएपछि त्यसअघि बैठक बस्न लागेको हो ।
पार्टी कार्यालय सचिव कृष्णगोपाल श्रेष्ठले दिउँसो ३ बजेतिर बैठक बस्न सक्ने जनाएका छन् ।
पछिल्लो समय दुई अध्यक्षहरु ओली र पुष्पकमल दाहाल प्रचण्डबीच पदीय भागबण्डाको विषयलाई लिएर तुस बमन चलिरहेका बेलामा बैठक बस्न लागेको हो ।
बैठकका एजेन्डाबारे केही उल्लेख नगरिएको भए पनि बैठकमा नेकपाको पछिल्लो गतिविधिप्रति नै छलफल केन्द्रीत हुने बुझिएको छ ।
दुई अध्यक्षबीचका सहमति कडै रुपले बाहिर आएपछि अहिले नेकपाभित्र आरोप प्रत्यारोप चलिरहेको छ । यो विषयलाई दुई अध्यक्षले कसरी सम्वोधन गर्छन् भन्ने विषय महत्वपूर्ण छ ।
सचिवालय सदस्यहरु नै गुट उपगुटको नेतृत्व गरिरहेकाले मंगलबारको भेटमा बढी नै रडाको मच्चिने खतराको सम्भावना समेत देखिएको छ ।
एक सचिवालय सदस्यले भने, ‘हेर्दै जानुस् केही त होला नि ।’ उनले थप कुरा खोल्न चाहेनन् ।
प्रतिकृया दिनुहोस