बिहिबार ०६, मङि्सर २०८१ ०९:५०
काठमाडौँ। नागरिक उन्मुक्ति पार्टीकी अध्यक्ष रञ्जिता श्रेष्ठले सुदूरपश्चिम प्रदेशका लागि जारी गरेको ह्विपको विरुद्धमा प्रमुख सचेतकले अर्को ह्वीप जारी गरेका छन् ।
अध्यक्ष श्रेष्ठले मुख्यमन्त्री कमलबहादुर शाहलाई विश्वासको मत नदिन ह्विप जारी गरेकी थिइन् । त्यसको केही समयपछि सुदूरपश्चिम प्रदेशको प्रदेश सभाका प्रमुख सचेतक खुसीराम डगौराले मुख्यमन्त्री शाहको पक्षमा मतदान गर्न ह्विप जारी गरेका हुन् ।
‘मुख्यमन्त्री कमलबहादुर शाहले आफूमाथि प्रदेश सभाको विश्वास छ भन्ने प्रस्तावको पक्षमा मतदानका लागि अनिवार्य उपस्थित हुन, अनिवार्य मतदान गर्न र तटस्थ नरहन राजनीतिक दल सम्बन्धी ऐन २०७३ को दफा २८ बमोजिम निर्देशन ९ह्विप० जारी गरिन्छ,’ सचेतक डगौराद्वारा जारी ह्विपमा भनिएको छ ।
प्रतिकृया दिनुहोस