बिहिबार ०६, मङि्सर २०८१ १२:४१
धनगढी। पूर्व मन्त्री एवम् नेकपा एमालेका सुदूरपश्चिम प्रदेश इन्चार्ज लेखराज भट्टले रोजगारी सृजन गर्न मुलुकमा एमालेको सरकार बन्न आवश्यक रहेको बताएका छन् ।
आफ्नो निर्वाचन क्षेत्रको गोदावरी नगरपालिकामा घरदैलो गर्दै उनले यस्तो बताएका हुन । उनले एमालेको नीति देशमा उद्योग स्थापना रोजगारी प्रदान गर्ने रहेको जिकिर गरे ।
यसअघि नै एमालेको सरकार हुँदा मुलुकको विभिन्न ठाउँमा उद्योगको शिलान्यास गरिसकेको बताउँदै उनले गठबन्धन सरकार जनताको सुखीका दिन देख्न नसकेर सबै योजना रोकेको बताए ।
काठमाडौँ र सुदूरपश्चिमको शैक्षिक गुणस्तर एउटै बनाउन शिक्षा क्षेत्रका सङ्घसंस्था र राजनीतिक दल एक ठाउँमा बस्नु पर्ने बताए । उनले संस्थागत र निजी विद्यालयको विकासका लागि प्रतिबद्ध रहेको बताए ।
अव्यवस्थित बसोबासी, सुकुम्वासी र भूमिहीनको व्यवस्थापनका लागि एमाले पार्टी सरकारको नेतृत्व गर्न आवश्यक रहेको उनको भनाइ थियो ।
प्रतिकृया दिनुहोस