शुक्रबार १६, कार्तिक २०८१ ०४:२४
काठमाडौं / नेपालबाट ठूलो मात्रामा अम्रिसोको कुचो निर्यात हुँदै आएको छ । भन्सार विभागका अनुसार चालू आर्थिक वर्षको २ महिनाको अवधिमा मात्रै नेपालले कुचो निर्यात गरेर ९ करोड ३६ लाख रुपैयाँ आर्जन गरेको छ ।
साउन र भदौ महिनाको अवधिमा नेपालबाट झण्डै साढे ९ करोड रुपैयाँ बराबरको १८ लाख ९४ हजार किलोग्राम अम्रिसो निर्यात भएको छ । नेपालबाट दक्षिण एसियाका दुई मुलुकमा कुचो निर्यात हुने गरेको छ । तीमध्ये भारत र बंगलादेश हुन् ।
यस अवधिमा भारततर्फ ९ करोड २७ लाख ८४ हजार रुपैयाँको कुचो निर्यात हुँदा बंगलादेशतर्फ ८ लाख ८२ हजार रुपैयाँ बराबरको निर्यात भएको छ । यस्तै, यस अवधिमा नेपालतर्फ १२ हजार रुपैयाँको कुचो आयात भएको विभागले जनाएको छ ।
प्रतिकृया दिनुहोस