आइतबार ०९, मङि्सर २०८१ १२:०९
बैतडी / बैतडीका ग्रामीण कच्ची सडकहरुमा भाडा दर कार्यान्वयन नभएको पाइएको छ । नयाँ भाडादर लागु भएपनि जिप व्यवसायीहरुले कच्ची सडकहरुमा पुरानै भाडा लिइरहेका हुन ।
जिल्लाको सतबाँझ सुर्नया सडक खण्डमा पुरानै भाडा तिर्नुे परिरहेको यात्रुहरुले गुनासो गरेका छन् । जिप व्यवसायीहरुले अहिले पनि निर्धारण गरेको भाडा भन्दा दोब्बर भाडा लिने गरेका यात्रुहरुको भनाई छ । यसरी यातायात व्यवसायीहरुले तोकिएको भन्दा बढी भाडा असुल्न थालेपछि नागरिकहरु समस्यामा परेका छन् ।
नयाँ भाडादर निर्धारण गरेपनि ग्रामीण सडकहरुमा कार्यान्वयन नभएको स्थानीय परमान्नद भट्टले बताए । १४ किलोमिटरको दुरी रहेको सतबाँझ सन्सेरीमाण्डौँ सम्मको अहिले पनि ३ देखि साढे तिन सय सम्म भाडा दिनु परिरहेको उनले बताए । प्रशासनले कच्ची सडकमा प्रति किलोममिट १० रुपैया भाडा निर्धारण गरेको थियो ।
तर त्यो अहिले कार्यान्वयन नभएको पाइएको हो । सतबाँझ बजार देखि सन्सेरीमाण्डौँको भाडा साढे तिन सय लिने गरेका जिप व्यवसायीहरुले नजिककैको कठेगौण बजारबाट सतबाँझ सम्म ४ सय देखि ५ सय सम्म लिने गरेका अर्का स्थानीय लबदेव धामीले बताए । जिप व्यवसायीयहरुले मनलाग्दी भाडा लिएपनि सम्बन्धित निकायले कुनै चासो नदिएको नागरिकहरुको गुनासो रहेको छ ।
यसरि तोकीको भाडा भन्दा बढी रुपैया माग्न गरिब पिन्न नागरिकहरु बढी मर्कामा परेका स्थानीय जयन्त भट्टले बताए । जिप व्यवसायीहरुले सत्तबाँझ सुर्नया सडक खण्डमा मनपरि भाडा लिने गरेका भएपनि कारबाही भने अहिले सम्म गरिएको छैन् । सम्बन्धित निकाय मौन बसेकाले आफुहरु मारमा परेका यात्रुहरुको गुनासो रहेको छ ।
प्रतिकृया दिनुहोस