मङ्गलबार १७, असार २०८२ ०२:४८
मकालुमा यती रहेको अनुमान, भारतीय सेनाले खिच्यो पाइलाको तस्वीर
काठमाडौं । भारतीय सेनाले मकालु हिमालमा ३२ इन्च लामो र १५ इन्च चौडा पाइला भेटाएको छ । सो पाइला यतीको हुन सक्ने बताइएको छ ।
सेनाले हिउमा भेटिएको पाइलाको तस्वीर सोमवार ट्विटर एकाउण्डमा शेयर गरेको थियो । सेनाका अनुसार यो रहस्यमय पद चिह्न ९ अप्रिलमा सेनाले मकालु बेस क्याम्पको ५ हजार २ सय ५० मीटर उचाइमा भेटाएको हो । पहिले पनि नेपालको मकालु(बरुन नेशनल पार्कमा यती रहेको दावी गरिदै आएको छ ।
सेनालेले तस्वीर पोस्ष्ट गरेसँगै समाजिक सञ्जालमा यतीको अस्तित्वको बिषयमा बहस सुरु भएको छ । प्रयोगकर्ताहरुले यो प्रांक हो कि भन्ने पनि शंका गरेका छन् ।
भाजपा नेता तरुण विजयले सेना माथि गर्व रहेको बताउदै भने, ुयतीलाई रहस्यमय नभनियोस, उ हिममानव हो ।ु
हिमालयमा यतीको बिषयलाई लिएर विभिन्न दावी गरिदै आएको छ । यती मानिस र बाँदर जस्तो देखिने र सामान्य मानव भन्दा ठुलो हुने बताइदै आएको छ ।
हिमालयलाई यतीको असली निवासी मानिन्छ । यतीको उल्लेख पौराणिक कथाहरुमा गरिएको छ । तर अहिलेसम्म यती कतै रहेको स्पष्ट प्रमाण भने भेटिएको छैन ।
प्रतिकृया दिनुहोस