बिहिबार ०६, मङि्सर २०८१ १०:५५
धनगढी / कैलाली प्रहरीले खैरो हेरोइसहित तीन जनालाई पक्राउ गरेको छ ।
पक्राउ पर्नेमा भजनी नगरपालिका–३ का २३ वर्षीय बुटा सिंह, टीकापुर नगरपालिका–१ का ३१ वर्षीय जीवन शाह र वडा नम्बर ६ का २१ वर्षीय अमित रावल रहेका छन् । उनीहरुलाई बुटा सिंहको घरबाट पक्राउ गरिएको हो ।
लागुऔषध खाइरहेको भन्ने सूचनाका आधारमा इलाका प्रहरी कार्यालय भजनीबाट खटेको प्रहरी टोलीले उनीहरुलाई पक्राउ गरेको हो । उनीहरुका साथबाट पाँच ग्राम ४७० मिलीग्राम खैरो हेरोइन बरामद भएको जिल्ला प्रहरी कार्यालयले जनाएको छ । पक्राउ परेका तीनै जनालाई इलाका प्रहरी कार्यालय भजनीमा राखेर थप अनुसन्धान गर्ने कार्य भइरहेको प्रहरीले जनाएको छ ।
प्रतिकृया दिनुहोस