बिहिबार ०६, मङि्सर २०८१ १२:५४
बैतडी / बलात्कार आरोप लागेपछि बैतडीको पुर्चौडी बहुमुखी क्याम्पसका प्रमुख राजेन्द्र नेगीले राजीनामा दिएका छन् । ज्याला मजदुरी गर्दै आएकी एक महिलाले बलात्कार गरेको आरोप लगाएपछि नेगीले पदबाट राजीनामा दिएका हुन् ।
उनीमाथि कैलाली घर भई बैतडीमा ज्याला मजदुरी गर्दै आएकी एक महिलालाई बलात्कार गरेको आरोप लगाएकी थिइन् । पीडित महिलाले आफूमाथि बलात्कार भएको बताउँदै कैलालीबाट मुद्दा दर्ता गर्ने बताएकी छन् । २० असारमा क्याम्पस प्रमुख नेगीले मजदुर महिलालाई बलात्कार गरेको बताइए पनि अहिलेसम्म प्रहरी यो घटनाबारे अनभिज्ञ रहेको दाबी गरेको छ ।
जिल्ला प्रहरी कार्यालय बैतडीका प्रवक्ताले यसबारेमा कुनै पनि जानकारी नभएको बताए । चौधरी समुदायकी ती महिलाले पुर्चौडी बहुमुखी क्याम्पसका प्रमुख नेगीले राति २ बजे जबरजस्ती करणी गरेको बताएकी छन् । क्याम्पस प्रमुख नेगीले २० असारमा राति पानी माग्ने बहानामा मुख थुनेर आफूमाथि बलात्कार गरेको ती महिलाको आरोप छ ।
प्रतिकृया दिनुहोस