बिहिबार ०६, मङि्सर २०८१ ०१:२७
बैसाख देखि कामदारको स्वास्थ्य परीक्षण गर्न आवेदन दिएका स्वास्थ्य संस्थाहरुको अनुगमन हुने
देशभर १ सय २६ संस्थाको अनुगमनमा ४ टोली
काठमाडौं( वैदेशिक रोजगारीमा जानुअघि स्वास्थ्य गर्नुपर्ने स्वास्थ्य परीक्षणका लागि दर्खास्त दिएका स्वास्थ्य संस्थाहरुको अनुगमन हुने भएको छ।
श्रम, रोजगार तथा सामाजिक सुरक्षा मन्त्रालयले स्वास्थ्य परीक्षणका लागि आवेदन दिएका देशभरका १ सय २६ वटा स्वास्थ्य संस्थाहरुको अनुगमनका लागि ४ वटा टोली खटाउने भएको हो। जसमध्ये उपत्यका बाहिरका लागि ३ वटा टोली खटिने मन्त्रालयले जनाएको छ। सो टोलीका लागि १० दिनको समयसीमा दिइएको छ। उपत्यकामा भने एक टोली खटिने र त्यसका लागि १५ दिनको समय दिइएको मन्त्रालयले जनाएको छ।
हरेक टोलीमा स्वास्थ्य मन्त्रालयबाट ३ जना विशेषज्ञ चिकित्सक र श्रम मन्त्रालयबाट एक अधिकृत गरी ४ जना रहनेछन्।
अनुगमन बैसाख ८ गतेबाट सुरु हुनेछ। मन्त्रालयले वैदेशिक रोजगारीमा जाने कामदारको स्वास्थ्य परीक्षण गर्ने स्वास्थ्य संस्था सूचीकरण, नवीकरण तथा अनुगमनसम्बन्धी कार्यविधि २०७२ को दफा ३ बमोजिम गत चैत १३ गते स्वास्थ्य संस्था सूचीकरणसम्बन्धी सूचना प्रकाशित गरेको थियो।
सूचना बमोजिम आवेदन दिएका सबै १ सय २६ स्वास्थ्य संस्थाहरुमा स्वास्थ्य परीक्षणका गर्न आवश्यक पर्ने पूर्वाधार तथा संयन्त्र रहेररहेकोबारे टोलीले अध्ययन गर्नेछ। स्वास्थ्य खबरपत्रिका
प्रतिकृया दिनुहोस