शुक्रबार १६, कार्तिक २०८१ ११:२९
कठमाडौं । अमेरिकी राष्ट्रपति डोनाल्ड ट्रम्पका समर्थकले अमेरिकी संसद भवनभित्रै छिरेर आक्रमण गर्दा एक जनाको ज्यान गएको छ । उश्रृंखल राष्ट्रपतिका उश्रृंखल समर्थकले उश्रृंखल र अतिवाद गरेपछि संसद भवनमै आक्रमण गरेका हुन् ।
संसदभित्र गोली चलाएर एक जना महिलाको ज्यान गएको छ । उनीहरुले संसद भवनमा तोडफोडसमेत गरेका छन् ।
यो उश्रृंखलता हटाउन राजधानी वासिङ्टनमा कर्फ्यू लगाइएको छ।
अमेरिकी कंग्रेसमा सांसदहरुले नवनिर्वाचित राष्ट्रपति जो बाइडेनको जितको पुष्टि गर्न छलफल गरिरहेका बेला ट्रम्पका समर्थकले आक्रमण गरेका हुन् ।
ट्रम्पले अहिलेसम्म आफूले चुनाव नहारेको दावी गरिरहेका छन् भने उनका समर्थकलाई हिंसात्मक प्रदर्शन गर्न ट्रम्पले नै प्रेरणा दिइरहेका छन् ।
गत नोभेम्बर ३ तारिखमा भएको निर्वाचनमा बाइडेनले भारी मात्रामा जित हासिल गरेका थिए ।
बीबीसीले लेखेअनुसार उश्रृंखला ट्रम्पका लिपब्लिकन पार्टीका कार्यकर्ता सदन चलिरहेका बेला निर्णयलाई प्रभावित गर्न क्यापिटल बिल्डिङभित्र छिरेका थिए ।
ती कार्यकर्ताहरु झ्याल–ढोका तोडफोड गरेरै हतियारसहित भित्र छिरेका थिए । संसद भवनभित्रै प्रदर्शनकारी र प्रहरीबीच हिंस्रक झडप हुुँदा ६ जना गम्भीर घाइते छन् ।
प्रहरीले दुई दर्जन हिंश्रक कार्यकर्तालाई पक्राउ गरेको छ । उसले विष्फोटकसहित हतियारसमेत नियन्त्रणमा लिएको छ ।
संसद आक्रमणको घटना लगत्तै देशवासीको नाममा सम्बोधन गर्दै बाइडेनले यो अन्यौलता र हिंसाको अन्त्य गर्न ट्रम्पलाई आग्रह गरेका छन् ।
बाइडेनले ट्रम्प लोकतन्त्रमाथि कू गर्ने प्रयासमा रहेको आरोपसमेत लगाएका छन् ।
वर्तमान उपराष्ट्रपति माइक पेन्सले हिंसाले कहिल्यै नजित्ने बताएका छन् । उनले यो दिनलाई कालोदिनको संज्ञा दिएका छन् ।
प्रतिकृया दिनुहोस