शुक्रबार ०७, मङि्सर २०८१ ०७:२२
भाजपाको यसरी बन्यो चुनावी प्रचार रणनीति, मोदीले १२५ र्यालीबाट ५०० सिट समेट्ने
काठमाडौं । भारतको लोकसभा निर्वाचनका लागि सत्ताधारी भारतीय जनता पार्टी भाजपाले प्रचारप्रसार रणनीति तयार पारेको छ ।
उक्त रणनीति अनुसार प्रधानमन्त्री नरेन्द्र मोदीले १२५ र्यालीबाट लोकसभाका ५०० सिट कभर गर्नेछन् ।
भाजपाले चुनावका सात चरणका लागि क्लस्टर नै तयार गरेको हो । एक क्लस्टरमा ३–४ सिट समावेश हुनेछन् ।
मोदी र पार्टी अध्यक्ष अमित शाहले देशभर हुने र्याली र रोड शोको सूची तयार गरेका छन् । देशभर भाजपाले चुनावका लागि झण्डै ७०० सभा गर्नेछ ।
मोदीका सर्वाधिक सभाहरु युपी, पश्चिम बंगाल र बिहारमा हुनेछन् । यी राज्यमा ७ चरणमा भोटिङ हुँदैछ ।
शाहले १०० देखि १२५ वटासम्म सभामा सहभागीता जनाउन सक्नेछन् । मोदीले देशका ५४३ मध्ये ५०० सिटका लागि र्यालीमा सहभागीता जनाउन सक्ने बताइएको छ ।
उनको योजनाअनुसार हर चरणको चुनावमा छोटो राज्यमा कम्तीमा एक र ठूलो राज्यमा ३ वटासम्म सभा हुनेछन् ।
पहिलो चरणमा ११ अप्रिलमा २० राज्यका ९१ सिटमा चुनाव हुँदैछ । पहिलो चरणको र्याली मोदीले २९ वा ३० मार्चमा सुरु गर्न सक्ने बताइएको छ ।
प्रतिकृया दिनुहोस