शनिबार ०८, मङि्सर २०८१ ०४:१८
झापा । झापा जिल्लाको कचनकवल गाउँपालिकामा शनिवार साँझ गोली चलेको छ । नेपाल र भारतको बोर्डर दशगजा क्षेत्रमा ठूलो संख्यामा भारतीय नागरिकको समूह नेपाल छिर्न खोजेपछि सीमा सुरक्षामा खटिएको सशस्त्र प्रहरीले फाइरिङ गरेको हो ।
भारतीय समूहले प्रहरीमाथि हमलाको प्रयास गरेपछि प्रहरीले फायरिङ गरेको स्थानीयले बताएका छन् ।
घटनाको जिल्लास्थित सुरक्षा स्रोतले पुष्टि गर्दै १२५ सीमा पिलरमा खटिएको सशस्त्र प्रहरीको टोलीमाथि हमला प्रयास भएपछि फायरिङ गर्नु परेको जनाएको छ ।
राति कचनकवल गाउँपालिका वडा न १ घेराबारीमा सीमा सुरक्षामा रहेका सुरक्षाकर्मीहरुमाथि भारतीय नागरिकहरुबाट हमला प्रयास भए पश्चात् जबाफी रुपमा सीमा सुरक्षामा खटिएको सशस्त्र प्रहरीले फायरिङ खोलेको जिल्ला सुरक्षा स्रोतले जनाएको छ ।
प्रतिकृया दिनुहोस