शनिबार ०८, मङि्सर २०८१ ०६:५०
प्रमुख प्रतिपक्षी दल नेपाली कांग्रेसको पदाधिकारी बैठकले सरकारले हिजो ल्याएका दुई अध्यादेश फिर्ता लिन आग्रह गरेको छ । दुई अध्यादेश फिर्ता लिन दवाव, आग्रह ,अपील गर्ने निर्णय गरेको पार्टी प्रवक्ता विश्वप्रकाश शर्माले जानकारी दिए ।
“यो विषय हाम्रो आन्तरिक छलफलको क्रममा छ । यस बारेमा अहिले हामीले केही परामर्श गरेका छौं । यस बारेमा उपयुक्त कुरा भोलीमात्रै तपाईंले जानकारी पाउनु हुनेछ,” उनले भने, “अहिले जम्माजम्मी सरकारले ल्याएको विधेयक अध्यादेशको खेद व्यक्त गरेका छौं । भत्र्सना गरेका छौं । विधेयक फिर्ता लिने गरी सरकारलाई अपिल गरेका छौं ।”
पार्टी सभापति शेरबहादुर देउवाका निवास बूढानीलकण्ठमा बसेको बैठकले राजनीतिक दलसम्बन्धी दोस्रो संशोधन अध्यादेश र संवैधानिक परिषदसम्बन्धी पहिलो संशोधन अध्यादेशबारे छलफल गरेको हो । सरकारले जारी गरेका दुवै अध्यादेश राष्ट्रपतिबाट प्रमाणीकरण भएर नेपाल राजपत्रमा प्रकाशित भइसकेको छ ।
संवैधानिक परिषदसम्बन्धी पहिलो संशोधन अध्यादेशबाट प्रतिपक्षी दलका नेताको सहभागिता विना नै संवैधानिक परिषदको बैठक बस्ने र निर्णय गर्न सक्ने प्रावधान राखिएको छ । यसलाई कांग्रेसले संविधानमाथिको प्रहार भनेर टिप्पणी गरेको छ । कोरोनाको महामारीरिुद्ध लड्ने बेलामा सरकारले अध्यादेश ल्याएपछि ‘बेमौसमको बाजा’ भनेर सरकारको आलोचना भइरहेको छ ।
प्रतिकृया दिनुहोस