शनिबार ०८, मङि्सर २०८१ ०६:४९
काठमाडौं । भारतमा कोरोना भाइरस कोभिड–१९० संक्रमितको संख्या १७१ पुगेको छ । बिहीबार बिहान चन्डीगढकी २३ वर्षीया महिलाको रिपोर्ट पोजेटिभ पाइए पछि यो संख्या १७१ पुगेको हो ।
बुधबार एकै दिन २८ जना संक्रमित फेला परेका थिए । भारत सरकारले आगामी मार्च ३१ सम्म सबै शिक्षण संस्था बन्द गर्ने निर्णय गरेको छ ।
उक्त दिनसम्म परीक्षाहरुसमेत पनि नगर्न नरेन्द्र मोदी सरकारले निर्देशन दिएको हो ।
अहिलेसम्म ३ जनाको ज्यान गएको छ । मोदीले बिहीबार राति ८ः१५ बजे राष्ट्रका नाममा संवोधन गर्ने कार्यक्रम छ ।
भारतकै दिल्लीस्थित सफदरगंज अस्पतालमा एक संदिग्ध बिरामीले आत्महत्यासमेत गरेको छ । अष्ट्रेलियाको सिड्नीबाट आएको उक्त संदिग्धले आत्महत्या गरेको हो ।
टाउको दुखेका कारण उक्त व्यक्तिलाई एयरपोर्ट अधिकारीले अस्पताल लिएर आएका थिए ।
प्रतिकृया दिनुहोस