शुक्रबार १६, कार्तिक २०८१ १२:३८
धनगढी पुस ४ सुदूरपश्चिम प्रदेश सरकारले चालु आर्थिक वर्ष २०७६÷२०७७ पुस मसान्त सम्म १० प्रतिशत पुँजिगत विकास बजेट खर्च गरेको छ ।
सुदूरपश्चिम प्रदेश सरकारको चालु आर्थिक वर्षका लागी चालु र पुँजिगत गरी कुल बजेट रु २८ अर्व १६ करोड बजेट विनियोजन गरेकोमा पुँजिगत तर्फ अहिले सम्म १ अर्व ३४ करोड ५२ लाख खर्च भएको शनिवार आर्थिक मामिला तथा योजना मन्त्रालयले पत्रकार सम्मेलन गरी जानकारी दिएको छ ।
प्रदेश सरकारले खर्च गरेको विकास बजेट पुँजिगत बजेटको १० दशमलव ३ प्रतिशत खर्च गरेको छ । प्रदेशको आर्थिक मामिला तथा योजना मन्त्रालयले पत्रकार सम्मेलमा पत्रकारलाई प्रदेश सरकारको खर्च र प्रगती विवणका बारेमा जानकारी दिएको हो ।
आर्थिक मामिला तथा योजना मन्त्री झपट बोहराले गत बर्षको तुलनामा चालु आर्थिक वर्षको खर्च प्रगती सन्तोषजनक रहेको बताएका छन् । उनका अनुसार गत वष १ दशमलव ४१ प्रतिशत मात्रै पुँजिगत बजेट खर्च भएको जानकारी दिए ।
‘सुदूरपश्चिम प्रदेश सरकारका विकासका योजनाहरु कार्यान्वयनका चरणमा रहेकाले भौतिक प्रगती बढी छ । भने भुक्तानी दिन प्राविधीक समस्या रहेकाले विक्तिय प्रगती कम देखीयको आर्थिक मामिला तथा योजना मन्त्री झपड बहादुर बोहराले बताए । उनले भने तथ्याङकमा खर्च कम देखिएको छ । तर सरकारले भौतिक प्रगति भने ३० प्रतिशत भन्दा बढि नै गरेको छ । गत वर्षमा खर्च हुन बाँकी ९० प्रतिशत खर्च पनि चालु आर्थिक वर्ष भित्रै नै गर्ने प्रदेश सरकारको लक्ष्य रहेको मन्त्री झपड बहादुर बोहराले बताए ।
सुदूरपश्चिम प्रदेश सरकारका मातहत रहेका कार्यालयहरुमा सबैभन्दा वढी खर्च प्रदेश सभा सचिवालयले गरेको छ । जुन २० प्रतिशत पूँजिगत बजेट खर्च गरेको हो । सुदूरपश्चिम प्रदेशको मुख्यमन्त्री तथा मन्त्रीपरिषद्को कार्यालयको पुँजिगत खर्च सबैभन्दा कम छ। मुख्यमन्त्री तथा मन्त्रीपरिषद्को कार्यालयले शुन्य दशमलव ३० प्रतिशत पुँजिगत बजेट खर्च गरेको छ ।
आर्थिक मामिला तथा योजना मन्त्रालयको २ दशमलव ४९ प्रतिशत, उद्योग पर्यटन वन तथा वातावरण मन्त्रालयको ५ दशमलव ६२ प्रतिशत, भूमि, व्यवस्था कृषि तथा सहकारी मन्त्रालयको ६ दशमलव ४९ प्रतिशत, आन्तरिक मामिला तथा कानून मन्त्रालयको ६ दशमलव २४ प्रतिशत, भौतिक पूर्वाधार विकास मन्त्रालयको १३ दशमलव ७१ प्रतिशत र सामाजिक विकास मन्त्रालयको ४ दशमलव ९९ प्रतिशत पुँजिगत बजेट खर्च मन्त्रालयहरुले गरेको छन् ।
प्रतिकृया दिनुहोस