शनिबार ०८, मङि्सर २०८१ १०:२१
पोखरा। नेपाली कांग्रेसका संस्थापक नेता एवं पूर्व प्रधानमन्त्री स्वर्गीय कृण्णप्रसाद भट्टराईको ९६ औं जन्मजयन्ती पोखरामा पनि मनाइएको छ । जन्म जयन्तीको अवसरमा कास्की कांग्रेसले मङ्गलबार साँझ पोखराको वीपी चोकमा मैनवत्ती प्रज्ज्वलन गरेको जिल्ला सदस्य नवीन सिग्देलले जानकारी दिए ।
उनको जन्मजयन्तीमा ९६ वटै मैनवत्ती प्रज्ज्वलन गरिएको थियो । कार्यक्रममा कांग्रेस नेता, कार्यकर्ता र शुभेच्छुकको सहभागिता रहेको थियो । कांग्रेस नेता एवं पूर्व मन्त्री यज्ञबहादुर थापाले मैनवत्ती प्रज्ज्वलन गरी कार्यक्रम शुभारम्भ गरेका थिए ।
कार्यक्रम कास्की कांग्रेसका कार्यवाहक सभापति आइबहादुर गुरुङको अध्यक्षतामा भएको थियो ।
प्रतिकृया दिनुहोस