आइतबार ०९, मङि्सर २०८१ ०३:२८
काठमान्डौं नेपाल राष्ट्र बैंक व्याजदर सम्बन्धि नीतिमा कठोर बनेको छ । राष्ट्र बैंकले व्याजदरमा चलखेल गर्ने बैंकहरुलाई कार्बाही गर्ने भएको छ । अब बढी ब्याज दिएर निक्षेप आकर्षित गरेका बैंकहरुमाथि काबार्हही हुने छ । यसबारेमा केही बैंकले बदमासी गरेको उजुरी परेपछि राष्ट्र बैंकले बैंकहरुलाई सर्कुलर जारी गरेको छ । राष्ट्र बैंकले ब्याजदरमा तलमाथि गर्ने बैंकलाई कारबाही सुरु गर्ने बताएको छ । यसअघि संस्थागत मुद्दति निक्षेप नविकरण गर्दा ९।६० प्रतिशतसम्म ब्याजदर दिन पाउने भद्र सहमति भएको थियो । अर्थमन्त्री र गभर्नरसहितको सहमतिमा बैंकर्स संघले ब्याजदरमा भद्र सहमति गरेको थियो । केही बैंकले उक्त भद्र सहमति तोडेपछि राष्ट्र बैंक कठोर बनेको हो । लिखित रुपमै पत्र पठाएर राष्ट्र बैंकले कार्बाही गर्ने बताएपछि बैंकहरु एकाएक पछि हट्न बाध्य भएका छन् ।
बैंकिङ खबरबाट साभार समाचार ।
प्रतिकृया दिनुहोस