आइतबार ०९, मङि्सर २०८१ ०४:३२
बैंक तथा वित्तीय संस्थामा करिअर बनाउन चाहनेहरुका लागि यतिबेला ठूलो अवसर खुलेको छ । दशैँपछि तीन वटा माइक्रोफाइनान्स, दुई वटा फाइनान्स, तीन वटा विकास बैंक र दुई वटा वाणिज्य बैंकमा भ्याकेन्सी खुलेको छ ।
माछापूच्छ्रे बैंकले २५ जना मेनेजमेन्ट ट्रेनी र ९० जना ट्रेनी जुनियर एसिस्टेन्ट मागेको छ । एप्लाई गर्ने म्याद कात्तिक १३ गतेसम्म छ ।
सिद्धार्थ बैंकले एसिस्टेन्ट मेनेजर, सिनियर अफिसर, अफिसर, जुनियर अफिसर र सिनियर एसिस्टेन्ट लेभलका कर्मचारीहरु मागेको छ । आवेदन दिने म्याद कात्तिक ८ गतेसम्म मात्रै छ । 
त्यस्तै, ज्योति विकास बैंकले ४० जना जुनियर ट्रेनी एसिस्टेन्ट र १० जना मेनेजमेन्ट ट्रेनी मागेको छ । यसका लागि कात्तिक १३ गतेभित्रमा आवेदन दिइसक्न आह्वान गरेको छ ।
कञ्चन डेभलपमेन्ट बैंकले एक जना डेपुटी सीईओ, एक जना सिनियर मेनेजर, एक जना मेनेजर र एक जना एसिस्टेन्ट मेनेजर मागेको छ । यसका लागि एप्लाई गर्ने म्याद कात्तिक १७ गतेसम्म छ ।
तिनाउ मिसन डेभलपमेन्ट बैंकले केही संख्यामा मेनेजमेन्ट ट्रेनी र ब्रान्च मेनेजर मागेको छ । एप्लाई गर्ने म्याद कात्तिक १३ गतेसम्म मात्रै छ ।
बेष्ट फाइनान्सले कन्ट्राक्ट बेसिसमा लिगल एडभाइजर, रिस्क र लिगल डिपार्टमेन्टका लागि एसिस्टेन्ट मेनेजर, ब्रान्च मेनेजर, विजनेस डेभलपमेन्ट अफिसर र आईटी डिपार्टका लागि एसिस्टेन्ट मागेको छ । यसको लागि पनि कात्तिक १३ गतेभित्रमा एप्लाई गरिसक्नुपर्छ ।
यता, आईसीएफसी फाइनान्सले केही अफिसर लेभलका कर्मचारी र एक जना एक्जिक्युटिभ सेक्रेटरी मागेको छ । आवेदन दिने म्याद कात्तिक ५ गतेसम्म मात्रै छ ।
छिमेक लघुवित्तले केही संख्यामा सहायक ईकाई प्रबन्धक मागेको छ । आवेदन दिने म्याद कात्तिक २० गतेसम्म छ ।
स्पर्श लघुवित्तले केही संख्यामा एसिस्टेन्ट ट्रेनी, सिनियर एसिस्टेन्ट, एसिस्टेन्ट, जुनियर एसिस्टेन्ट, ब्रान्च मेनेजर, मोनिटरिङ अफिसर, आईटी अफिसर र डिपार्टमेन्ट हेड मागेको छ । आवेदन दिने म्याद कात्तिक १७ गतेसम्म छ ।
गणपति माइक्रोफाइनान्सले केही शाखा प्रबन्धक र सहायक वा प्रशिक्षार्थी सहायक मागेको छ । यसका लागि कात्तिक १३ गतेभित्र दरखास्त आह्वान गरिएको छ ।
बैंकिङ खबर बाट साभार समाचार
प्रतिकृया दिनुहोस