आइतबार ०९, मङि्सर २०८१ ०३:०९
इनरुवा । सरकारी सञ्चारमाध्यममा सरकारले मनपरी गरेको भन्दै नेपाल प्रेस युनियन सुनसरीले आपत्ती जनाएको छ । सञ्चार मन्त्रालय र सञ्चारमन्त्री गोकुल बास्कोटालाई सच्चिन आग्रह गर्दै जिल्ला प्रशासन सुनसरी मार्फत सञ्चारमन्त्रालयलाई ज्ञापन पत्र पठाएको हो ।
दिपायलमा लामो समयदेखि कार्यरत पत्रकारहरु प्रकाश बम, सुनिता रावल र चक्रबहादुर कुवँरलाई राजनीतिक पूर्वाग्रह साँधेर कामबाट हटाएको भन्दै आपत्ती जनाएको हो । अल्टिमेटमसहित तत्काल पुनःबहाली गर्न माग गदै विवादित सञ्चार विधेयक समेत सच्याउन माग सहित प्रेस यनियनल सुनसरीले ज्ञापन पत्र बुझाएको हो ।
ज्ञापन पत्र बुझाउँदै प्रेस युनियन सुनसरीकाक अध्यक्ष धनबहादुर पुरीले राजनितिक प्रतिशोधले निकालिएको कर्मचारीलाई तत्काल काममा फर्काउँन माग गरे । पत्रकारहरुको योग्यताको कुरा उठाउँने सञ्चारमन्त्रलायले दक्ष कर्मचारी निकालेर सरकारी सञ्चारमाध्याम कार्यकर्ता जागिर खाने ठाउँ बनाएको अध्यक्ष पुरीको भनाई थियो ।
त्यस्तै प्रेस स्वतन्त्रता विरोधी विभिन्न प्रावधान रहेको र सर्वत्र विरोध भएपछि केही समय स्थगन गरिएको मिडिया काउन्सिल विधेयक सरोकारवाला संघसस्थासँग कुनै सल्लाह र परामर्श नगरी एकाएक राष्ट्रियसभाबाट प्रक्रिया अघि बढाएकोप्रति आपत्ती समेत जनाईएको छ ।
प्रतिकृया दिनुहोस