आइतबार ०९, मङि्सर २०८१ ०२:४५
काठमाडौं । पहिलो पटक भइरहेको आइसीसी वल्ड टेष्ट च्याम्पियनसिप क्रिकेटमा भारत सबैभन्दा अगाडि देखिएको छ । सन् २०१९ देखि २०२१ सम्म टेष्ट खेल्ने ९ राष्ट्रबीच हुने टेष्ट च्याम्पियनसिपका सुरुआती दुई खेल जितेर भारत सबैभन्दा अगाडि रहेको हो ।
भारतले वेष्ट इन्डिजविरुद्धको दुई खेलको सिरिज जितेसंगै ६० अंक पाएको छ । न्यूजिल्याण्ड र श्रीलंकाले ६०–६० अंक पाएका छन् ।
दुवैले आपसमा १–१ खेल जितेका छन् भने १–१ खेल हारेका छन् ।
अष्ट्रेलिया र इंगल्याण्डले समान ३२–३२ अंक पाएका छन् । पाँच खेलको सिरिज खेलिरहेका अष्ट्रेलिया र इंगल्याण्डले ३ मध्ये १–१ खेल जित्दा १ खेल बराबरी भएको थियो ।
वेष्ट इन्डिज अंकविहीन छ । दक्षिण अफ्रिका, बंगलादेश र पाकिस्तानले अहिलेसम्म खेलेका छैनन् ।
आसन्न भिडन्त
बुधबारदेखि अष्ट्रेलिया र इंगल्याण्डबीचको चौथो टेष्ट सुरु हुँदैछ । खेल म्यान्चेस्टरमा हुँदैछ ।
पाँचौं तथा अन्तिम टेष्ट १२ सेप्टेम्बरमा लण्डनमा हुनेछ ।
त्यसपछि भारतले दक्षिण अफ्रिकासंग खेल्नेछ । पहिलो टेष्ट अक्टोवर २ तारिखमा विशाखापट्नम ९भारत० मा यो खेल हुनेछ ।
भारतले दक्षिण अफ्रिकासंग घरेलु मैदानमा ३ खेलको सिरिज खेल्नेछ । त्यसपछि भारतले बंगलादेशसंग नोभेम्बर १४ देखि टेष्ट खेल्नेछ । भारतले २ खेलको सिरिज बंगलादेशसंग खेल्नेछ ।
पाकिस्तानले टेष्ट च्याम्पियनसिपको पहिलो खेल अष्ट्रेलियासंग खेल्नेछ । पहिलो खेल अष्ट्रेलियाको ब्रिसबेनमा नोभेम्बर २१ देखि हुनेछ ।
प्रतिकृया दिनुहोस