शनिबार ०८, मङि्सर २०८१ ०९:२०
नेकपा प्रमुख सचेतकको घरमा तीन वटा पेट्रोल बम प्रहार
प्रदीप आचार्य,
बुटवल । नेपाल कम्युनिष्ट पार्टी नेकपा प्रदेश नम्बर ५ का प्रमुख सचेतक भूमिश्वर ढकालको घरमा पेट्रोल बम प्रहार भएको छ ।
रुपन्देही सैनामैना ७ मा रहेको उनको घरमा तीन वटा पेट्रोल बम प्रहार भएको हो ।
उनी सुत्ने कोठा, उनका बाबाआमा सुत्ने कोठा र उनले प्रयोग गर्ने लु १ ज ४५६ नम्बरका गाडीमा लक्षित गरी बम प्रहार भएको छ ।
सुत्ने कोठासम्मै बम प्रहार भएको तर त्यो विष्फोट नहुदा मानवीय क्षति जोगिन पुगेको छ । गाडीमा भने पछाडिको भाग जलेर क्षतिग्रस्त भएको छ ।
सचेतक ढकाल विगत चार दिनदेखि काठमाडौंको मेडिसिटी हस्टिलमा विरामी भएर उपचारतत छन् ।
बम कसले प्रहार गर्यो भन्ने खुल्न सकेको छैन ।
प्रतिकृया दिनुहोस