शनिबार ०८, मङि्सर २०८१ ०१:१४
काठमाडौं । गत मंगलबारदेखि आइरहेको अविरल वर्षा र त्यसपछिको बाढी, पहिरो तथा डुवानका कारण अहिलेसम्म ६५ जनाको मृत्यु भएको पुष्टि भएको छ ।
प्रहरी प्रधान कार्यालयले सोमबार बिहान सार्वजनिक गरेको तथ्यांक अनुसार बाढी पहिरोमा परेर ६५ जनाको मृत्यु भएको हो ।
मृतकहरुमा ४१ जना पुरुष र २४ जना महिला रहेका छन् । बाढी–पहिरोमा परी ३० जना बेपत्ता भएका छन् ।
बेपत्ता हुनेमा १८ पुरुष र १२ जना महिला रहेका छन् ।
त्यसैगरी प्रहरीले बाढी र पहिरोबाट ३८ जना घाइते भएको जनाएको छ । घाइते हुनेमा २१ पुरुष र १७ महिला छन् ।
उनीहरुको विभिन्न अस्पतालमा उपचार भइरहेको छ । प्रहरीले अहिलेसम्म १,४४६ जनाको उद्धार गरिएको जनाएको छ ।
उद्धार तथा राहतका लागि नेपाल प्रहरी, सशस्त्र प्रहरी र नेपाली सेना खटिएका छन् ।
प्रतिकृया दिनुहोस