आइतबार ०९, मङि्सर २०८१ ०२:१५
काठमाडौं । नेपाल कम्युनिष्ट पार्टी नेकपा का अध्यक्षद्धय केपी शर्मा ओली र पुष्पकमल दाहाल प्रचण्डको ‘केमेष्ट्रि’ यसरी बिग्रिएको छ कि उनीहरु सकभर भेट्न नपरे हुँदो हो भन्ने मनस्थितिमा पुगिसकेका छन् ।
त्यसको उदाहरण खोज्न धेरै टाढा जानै पर्दैन । बुधबार असार १८ गते पार्टीको आन्तरिक विवाद टुंगो लगाएर एकतालाई बलियो पार्नका लागि प्रचण्ड प्रधानमन्त्री निवास बालुवाटार पुगेका थिए ।
राजनीतिक प्रतिवेदनको अन्तिम सम्पादनको जिम्मा अध्यक्षद्वयलाई दिइएकाले त्यसैका लागि ‘लास्ट टच’ दिन प्रचण्ड ओलीलाई भेट्न गएका थिए ।
तर ओलीले प्रचण्डलाई भेट्न पाएनन् । उनलाई ओली अस्वस्थ भएको जानकारी दिइयो । ओली बिरामी भएपछि हंगामा मच्चिन्छ । समाचार बन्छ । अनि यस्तो भयो भनी सूचना छ्याप्छयाप्ति आउँछ ।
बालुवाटार स्रोतका अनुसार प्रचण्ड ओलीलाई भेट्न गए पनि भेटसम्म पनि गर्न नपाएपछि शीघ्र स्वास्थ्यलाभको कामना गरेर फर्किए ।
प्रधानमन्त्री निवास स्रोतका अनुसार ओली पेट सम्बन्धी समस्याले गर्दा अस्वस्थ छन् । जसले गर्दा चिकित्सकहरुले राजनीतिक भेटघाट र कामकाज सबै बन्द गराएको जनाइएको छ ।
तर अर्को आश्चर्य त के भने बुधबार भएको यो घटनापछि बिहीबार नै ओली एक सार्वजनिक कार्यक्रममा उपस्थित हुँदैछन् भन्ने थाहा पाउँदा प्रचण्डलाई के होला
ओली नेपाल प्राध्यापक संघको महाधिवेशनको उद्घाटन गर्न बिहीबार दिउँसो १ बजे प्रदर्शनीमार्गमा जाँदैछन् । संघका महासचिव प्रा।डा बुद्धबहादुर थापाले उद्घाटनका लागि ओली आउँदै गरेको पुष्टि गरेका छन् ।
ओली जाने भएसंग संचारकर्मीहरुप्रति पनि कौतूहल बढेको छ । के बुधबार बिमार भएर भेटघाट बन्द गरिएका ओली रातारात निको भए रु
किन रोकियो एकता रु
प्रधानमन्त्री निवास बालुवाटारमा गत असार ७ गते अपराह्न बसेको नेकपा केन्द्रीय सचिवालयको बैठकले राजनीतिक प्रतिवेदनलाई अन्तिम रुप दिएर शीघ्र प्रकाशनमा लैजाने निर्णय गरेको थियो ।
बैठकले एकता एकीकरणका महत्वपूर्ण काम सम्पन्न भए पनि केही काम बाँकी रहेको र ती बाँकी कामलाई शीघ्र सम्पन्न गर्न आवश्यक गृहकार्य गर्ने निर्णय गरेको थियो ।
दुई दल एमाले र माओवादी केन्द्रको एकताकै क्रममा तयार पारिएको पार्टीको विचार, दृष्टिकोण, सिद्धान्त, कार्यक्रम, नीति र विचारसँग सम्बन्धित राजनीतिक प्रतिवेदनको अन्तिम सम्पादनको क्रममा रहेको छ ।
यसलाई अन्तिम रुप दिने जिम्मा अध्यक्षद्धयलाई दिइएको थियो । तर ओलीले बुधबार देखाएको प्रतिक्रियाले फेरि पूर्णएकताको प्रक्रिया लम्बिने निश्चित छ ।
असार ७ को सचिवालय बैठकले एकताका बाँकी गृहकार्य सम्पन्न गर्दै केन्द्रीय कार्यसमितिका सदस्यहरुको कार्यवभाजन, केन्द्रीय निकाय र विभागको गठनलगायत विषयलाई जतिसक्दो छिटो टुङ्गो लगाउने निर्णय भएको थियो । तर त्यो छाँट देखिँदैन । एकता फेरि लम्बिने निश्चित प्रायः छ ।
किन लम्बिन थाल्यो एकता
ओली आफूले जे भन्यो त्यही होस् भन्ने चाहन्छन् । उनलाई आफ्नो निर्णयमा कसैले अवरोध गरेको मन पर्दैन ।
कार्यविभाजनमा पनि उनको निर्णय अन्य सचिवालय सदस्यहरुलाई मन परेको छैन । विशेषगरी तत्कालीन एमालेका उपाध्यक्ष बामदेव गौतम, वरिष्ठ नेताहरु माधवकुमार नेपाल र झलनाथ खनाल त्यसको विरोधमा छन् ।
अहिलेसम्म स्थायी कमिटि बैठक र केन्द्रीय कार्यसमिति बैठक पनि बस्न सकेको छैन । एउटा अध्यक्षले पार्टी चलाउने र अर्का अध्यक्षले सरकार चलाइरहेकाले त्यसलाई नै निरन्तरता दिनुपर्नेमा एक पक्ष लागिरहेको छ ।
ओली र उनको खेमा भने सरकार र पार्टी आफैले चलाउनु पर्ने भनी लागिरहेको छ । जगेडा अध्यक्ष भएर बस्नुपरेको पीडा प्रचण्डका पछिल्ला अभिव्यक्तिहरुले देखाइरहेका छन् ।
सोही कारणले गर्दा ओली प्रचण्डप्रति रुष्ट छन् । ओली र प्रचण्ड जुनसुकै कार्यक्रममा संगसंगै हुँदा पनि राम्ररी बोल्दैनन् । अर्थात् आयोजकले पनि भिडाउने किसिमले नै उनीहरुलाई संगसंगै राखेजस्तो हुँदै आएको छ ।
विभिन्न स्रोतका अनुसार ओलीले सरकार कुनै पनि हालतमा नछाड्ने मनस्थिति बनाइरहेका छन् । बाँचुन्जेल अध्यक्षको भूमिका पनि नछाड्ने मनस्थितिमा उनी छन् ।
त्यसो भएपछि प्रचण्डले अब पार्टीमा विद्रोह गरेरै भए पनि सरकार चलाउने योजना बुन्दै गरेको बुझिएको छ । स्रोतका अनुसार प्रचण्डले प्रतिपक्षी दलहरुसंग यसबारे हिमचिम बढाइरहेका छन् ।
ओलीले आफूलाई अगाडि बढ्न नदिएपछि यो नै अन्तिम विकल्प हुने भन्दै अरुहरुले सुझाव दिइरहेका छन् ।
प्रचण्ड जगेडा अध्यक्ष
प्रचण्ड जगेडा अध्यक्ष भएका छन् । उनको अध्यक्षतामा अहिलेसम्म बैठकहरु बसेका छैनन् । ओली हुँदा ओली नै अध्यक्ष भएर कार्यक्रम चलाइरहेका छन् ।
लोकतान्त्रिक पद्दतिमा सरकारभन्दा पार्टी बलियो हुन्छ । ओलीले नेकपा पार्टीको निर्देशन पालना गर्र्दैनन् । उनले आफूले गर्ने निर्णयमा प्रचण्डलाई साझेदार पनि बनाउँदैनन्।
प्रचण्ड केवल नाममात्रका अध्यक्ष भएको भन्दै उनी खेमाका ९तत्कालीन माओवादी केन्द्र० का नेताहरुले सशक्त भएर अगाडि बढ्न उक्साइरहेका छन् ।
अब पनि प्रचण्ड जगेडा भएर बस्छन् वा ओलीका विश्वास पात्र ईश्वर पोखरेललाई जवाफ दिन्छन् रु उपप्रधान तथा रक्षामन्त्री एवं नेकपा सचिवालय सदस्य पोखरेलले प्रचण्डलाई जथाभावी नबोल्न तथा मर्यादामा रहन एक कार्यक्रममा चेतावनी नै दिएका थिए ।
प्रतिकृया दिनुहोस