कैँची प्रहार गरी डोटीमा श्रीमतीको हत्या

Yugnepal 883 पटक पढिएको

कैँची प्रहार गरी डोटीमा श्रीमतीको हत्या
डोटीको दिपायल सिलगढी नगरपालिका– ३ मा एक व्यक्तिले श्रीमतीको हत्या गरेका छन् ।

दिपायल सिलगढी नगरपालिका– ३ का ४५ वर्षीय कृष्ण नेपालीले श्रीमती ४० वर्षीया मिना नेपालीलाई लुगा काट्ने कैँची प्रहार गरी हत्या गरेका प्रहरीले जनाएको छ ।

श्रीमतीको हत्या गर्ने कृष्णलाई पक्राउ गरिएको इलाका प्रहरी कार्यालय दिपायलका प्रमुख प्रहरी नायव निरीक्षक कमलापती पन्तले जानकारी दिए । सोमबार राति घरायसी विवाद हुँदा उनले श्रीमती मिनाको घाँटी र ढाडमा लुगा काट्ने कैँची प्रहार गरी विभत्स हत्या गरेका प्रहरीले जनाएको छ ।

मङ्गलबार ०३, असार २०७६ ०२:२५ मा प्रकाशित