बिहिबार ०६, मङि्सर २०८१ ०९:३७
जनक शाही हाम्राकुराबाट
हुम्ला चैत १७ । नेपालसँग सीमा जोडिएका उत्तरी छिमेकी चीनतर्फको सीमास्तम्भको स्थलगत रुपमा अध्ययन हुने भएको छ । चीनसँग सिमा जोडिएका दार्चुला, बझाङ, हुम्ला, मुगु र डोल्पा जिल्लामा पर्ने चीनतर्फका सीमा स्तम्भहरुको अध्ययन हुने भएको हो ।
नेपाल सरकारका सहसचिव स्तरीय टोलीले चीनसँगका सिमा स्तम्भहरुको अनुगमन तथा अध्ययन गर्ने हुम्लाका प्रमुख जिल्ला अधिकारी गणेश आचार्यले बताए ।
टोलीले अनुगमन गर्ने सीमा स्तम्भमा दार्चुला जिल्लाको सीमा स्तम्भ १, बझाङको २, हुम्लाको ३ र १२, मुगुको १३ र डोल्पा जिल्लाको १४ र १५ नम्बर रहेका छन् ।
२०७८ साल जेठ १८ देखि असार १ गतेसम्म सबै जिल्लामा रहेका सीमास्तम्भको उच्चस्तरीय टोलीले स्थलगत रुपमा अध्ययन तथा अनुगमन गर्ने प्रमुख जिल्ला अधिकारी आचार्यले बताए ।
पछिल्लो समय चीनले हुम्ला खण्डको लाप्चामा पर्ने १२ नम्बर सीमा स्तम्भलाई एकतर्फी रुपमा मर्मत गरेको भन्दै हुम्लाका स्थानीयले विरोध जनाउँदै आएका छन् ।
यी सीमास्तम्भको दुवै देशका सीमा विज्ञसहितको टोली खटाएर अध्ययन गर्न हुम्लाका स्थानीयले नेपाल सरकारसंग माग गरेका छन् ।
प्रतिकृया दिनुहोस