तरुण दलले स्थापना दिवस मनाउँदै

काठमाडौँ । नेपाली काङ्ग्रेसको भातृ संगठन नेपाल तरुण दलको ७३औँ स्थापना दिवस २०८२ कार्तिक १० गते मनाइने भएको छ ।

तरुण दलको अध्यक्ष विद्वान गुरुङले उपत्यकाको तीन जिल्लाबाहेक बाँकी सबै जिल्लाले जिल्लामै तरुण दलको ७३औँ स्थापना दिवसमा शुभकामना आदानप्रदान एवं चियापान कार्यक्रम गरि मनाउन परिपत्र गरेका छन । 

उपत्यकाका तीन जिल्ला कार्यसमितिले तरुण दल केन्द्रीय समितिको आयोजनामा नेपाली काङ्ग्रेस पार्टी कार्यालय सानेपामा गर्ने कार्यक्रममा सहभागी हुने अध्यक्ष गुरुङले बताए । 

तरुण दलले यसपाली केन्द्र र जिल्लाभरि फरक शैली अपनाएर आफ्नो स्थापना दिवस मनाउँदैछ ।

कार्यक्रमलाई केन्द्रीय अध्यक्षले स्वागत सम्बोधन गरे पनि  कार्यक्रममा फूल मालाले स्वागत एवं लामो तरिकाको भाषण नहुने अध्यक्ष गुरुङले बताए ।

कार्यक्रममा पार्टी कार्यवाहक सभापति पूर्णबहादुर खड्का, पदाधिकारी एवं केन्द्रीय सदस्यज्यलगायत संघीय सांसद  एवं राष्ट्रिय सभा सदस्य, प्रदेश कार्यसमिति, पार्टी प्रदेश, गाउँरनगर पालिका प्रमुख, उपप्रमुख, निर्वाचित जनप्रतिनिधि, दलको केन्द्रीय सदस्य सहभागी हुने दलको मुख्यसचिव ठानप्रसाद पोखरेलले जानकारी दिए ।

अन्य राजनितिक दलको भातृ सङ्गठनको प्रमुखलाई केन्द्रीय कार्यालयमा हुने कार्यक्रममा निमन्त्रणा गरिने र जिल्लाले पनि त्यही अनुसार गर्ने मुख्यसचिव पोखरेलले बताए ।