शुक्रबार १६, कार्तिक २०८१ ०६:१९
बैतडी / बैतडीका उम्मेदवारहरु चुनावी प्रचारमा जुटेका छन् । निर्वाचन आयोगले चुनाव चिन्ह प्रदान गरेसंगै यहाँका प्रतिनिधि तथा प्रदेश सभाका उम्मेदवारहरु चुनावी प्रचारप्रसारमा जुटेका हुन् ।
उम्मेदवारसहित दलका नेता कार्यकर्ताहरु गाउँघरमा देखिन थालेका छन् । मतदाताहरुलाई रिझाउन उम्मेदवारहरु अहिले गाउँघरमा देखिन थालेका हुन । गाउँ समाजका समस्या बुझन नआउने नेताहरु अहिले भोट माग्न घरदैलोमा पुग्ने गरेका स्थानीयहरुको भनाई छ । यस्तै जिल्ला निर्वाचन कार्यालय बैतडीले सबै दल र उम्मेदवारहरुलाई निर्वाचन आचारसंहिता पालना गर्न आग्रह गरेको छ ।
उम्मेदवारलाई चुनावी प्रचारमा जाँदा १० भन्दा बढी झण्डा, २५ जनाभन्दा धेरै लैजान,बाजा सहितको भिडभाडमा आयोगले रोक लगाएकोले आचारसंहिता बिपरितका गतिविधि नगर्न निर्वाचन कार्यालय बैतडीले आग्रह गरेको हो । यसैगरि बैतडीका उम्मेदवारले ३३ लाख रुपैयासम्म खर्च गर्न पाउने सीमा तोकिएको छ । आयोगले प्रतिनिधि सभाका सदस्य उम्मेदवारले ३३ लाख प्रदेश सभा ख का उम्मदेवारले २१ लाख र प्रदेश सभा ख का उम्मेदवारले २३ लाख रुपैयासम्म खर्च गर्न पाउने सीमा निर्धारण गरेको हो ।
बैतडीमा प्रतिनिधि सभा सदस्यका लागि ३ स्वतन्त्र सहित ११ जना चुनावी मैदानमा छन् । यस्तै प्रदेश सभा क्षेत्र नं क मा एक स्वतन्त्र सहित ६ जनार प्रदेश सभा ख मा ५ जना चुनावी मैदानमा छन् ।
प्रतिकृया दिनुहोस