शुक्रबार १६, कार्तिक २०८१ ०९:३५
हाम्राकुराबाट
काठमाडौँ भदौ १० । प्रधानमन्त्री शेरबहादुर देउवाले मन्त्रिपरिषद् विस्तारको तयारी थालेका छन् । प्रधानमन्त्री देउवाले सरकारमा मन्त्री थप्ने विषयमा सहयोगी दलहरूसँग छलफल टुङ्गाइसकेका छन् ।
बालुवाटार स्रोतका अनुसार सत्ता गठबन्धनमा आबद्ध दलहरूबिच मन्त्रालयको सङ्ख्याको भागबण्डा टुङ्गिएको हो । प्रधानमन्त्री देउवाले अब ती दलबाट मन्त्रीको नाम आएपछि १४ भदौमा सरकार विस्तार गर्ने तयारी गरेका हुन् ।
सरकारमा सहभागी हुने विषयमा काँग्रेससहित नेकपा माओवादी केन्द्र, नेकपा ९एकीकृत समाजवादी० र जनता समाजवादी पार्टी ९जसपा० बिच मन्त्रालयको बाँडफाँडमा सहमति भएको हो ।
हाल काँग्रेसबाट प्रधानमन्त्रीसहित दुई फुलमन्त्री र एक राज्यमन्त्री गरी चार जना सरकारमा छन् । यस्तै माओवादी केन्द्रबाट सरकारमा दुईमन्त्री छन् ।
उच्च स्रोतका अनुसार अब काँग्रेसले तीन मन्त्रालय पाउने छ । यो सहित काँग्रेसको भागमा छ फुलमन्त्री र एक राज्यमन्त्री रहनेछन् ।
यस्तै माओवादी केन्द्रले अब तीन फुलमन्त्रीसहित एक राज्यमन्त्री गरी चार, माधव नेपाल नेतृत्वको दल नेकपा ९एकीकृत समाजवादी० ले एक राज्यमन्त्रीसहित ६, उपेन्द्र यादव नेतृत्वको दल जसपाले पनि एक राज्यमन्त्रीसहित छ मन्त्रालय लिने गरी सहमति गरिएको छ ।
एमालेबाट औपचारिक रूपमा विभाजित भएपछि माधव नेपाल समूहलाई सरकारमा जान बाटो खुलेको हो । निर्वाचन आयोगले राजनीतिक दल विभाजन सम्बन्धी नयाँ अध्यादेश अनुसार माधव नेपालको दललाई बुधवार नै दर्ता गर्दै प्रमाणपत्र प्रदान गरिसकेको छ ।
उच्च स्रोतका अनुसार सरकारमा रहेका केही मन्त्रीको समेत जिम्मेवारी हेरफेर हुने सम्भावना छ । यसरी जिम्मेवारी फेर्दा कानुनमन्त्री रहेका ज्ञानेन्द्रबहादुर कार्कीलाई सञ्चारमन्त्री बनाउने प्रधानमन्त्री देउवाको आन्तरिक तयारी छ ।
यस्तै स्वास्थ्य राज्यमन्त्री रहेका उमेश श्रेष्ठलाई पनि सोही मन्त्रालयमा फुलमन्त्री बनाउने देउवाको तयारी रहेको बताइन्छ । कानुन मन्त्रालय भने काँग्रेसकै भागमा हुनेछ ।
२९ असारमा प्रधानमन्त्री बनेका देउवाले आफ्नै दल काँग्रेस र माओवादीबाट दुई(दुईमन्त्री नियुक्त गरेका थिए । त्यसपछि उनले स्वास्थ्य राज्यमन्त्रीमा श्रेष्ठलाई १० साउनमा ल्याएका थिए । देशमा कोरोना महामारी कायम रहँदा पनि स्वास्थ्यमन्त्री नबनाएको भन्दै सरकारको आलोचना भएपछि देउवाले श्रेष्ठलाई राज्यमन्त्रीको जिम्मेवारीसहित सरकारमा भित्राएका थिए ।
प्रतिकृया दिनुहोस