देउवालाई भेट्न प्रचण्ड   बुढानीलकण्ठमा पुगे

काठमाडौं  फागुन २६। नेपाल कम्युनिष्ट पार्टी माओवादी केन्द्रका अध्यक्ष पुष्पकमल दाहाल ‘प्रचण्ड’ ले  प्रमुख प्रतिपक्षी दल नेपाली कांग्रेसका सभापति शेरबहादुर देउवालाई भेटेर फर्किएका छन् ।

देउवालाई भेट्न प्रचण्ड मंगलबार देउवा निवास बुढानीलकण्ठ पुगेका थिए। भेटमा पछिल्लो राजनीतिक अवस्थाबारे कुराकानी भएको देउवाका सहयोगी भानु देउवाले जानकारी दिए ।
 
सत्ता सहयात्रा बारे कुराकानी भएको हो रु भन्ने प्रश्नमा भानु देउवाले भने,‘कुराकानी त भए तर अहिले त्यो सम्भावना छैन ।’

बूढानीलकण्ठमा साँझ भएको भेटमा उनीहरुबीच संसद्को बैठक सञ्चालन, सरकार र आगामी राजनीतिक प्रक्रियाका बारेमा छलफल भएको थियो । माओवादी केन्द्रको मंगलवारको स्थायी कमिटी बैठकले ती विषयमा प्रमुख प्रतिपक्षीसहित अन्य दलसँग छलफल गर्ने निर्णय गरेको थियो ।

सर्वोच्च अदालतले गत आइतबार नेपाल कम्युनिष्ट पार्टी ९नेकपा०का नामका बारेमा परेको रिट निवेदनको सुनुवाइ गर्दै नेकपा ९एमाले० र नेकपा ९माओवादी केन्द्र० मिलेर बनेको नेकपा पूर्वावस्थामा ब्यूँतिने फैसला गरेको थियो ।

 सोही फैसलाका आधारमा निर्वाचन आयोगले नेकपा ९एमाले० र नेकपा ९माओवादी केन्द्र० अबदेखि अलगअलग राजनीतिक दलका रूपमा रहने निर्णय गरिसकेको छ ।