बिहिबार ०६, मङि्सर २०८१ १२:३४
ताप्लेजुङ १८ फागुन, । ताप्लेजुङको दोभान बजारमा आगलागी हुँदा चालीस बढी घर जलेर नस्ट भएका छन् । बिहान करिब ९ बजे देखि सुरु भएको आगलागी अझै नियन्त्रणमा आउन सकेको छैन ।
आगो नियन्त्रणको प्रयास भइरहेको ताप्लेजुङ जिल्ला प्रहरी कार्यालयका प्रमुख डिएसपी बालनरसिंह राणाले बताए । उनका अनुसार स्थानीयले चालीस घर जलेको जानकारी प्रहरीलाई दिएको बताए ।
आगो निभाउन ताप्लेजुङ नगरपालिकाको दमकल प्रयोग गरिएको छ । ताप्लेजुङबाट दोभान बजार पुग्न गाडीमा करिब एक घण्टा लाग्छ ।
आगलागीको कारण खुलेको छैन । आगोले पुर्याएको क्षतिको विवरण पनि आउन बाँकी रहेको उनले बताए ।
दोभान ताप्लेजुङ जिल्लाको दोस्रो ठूलो बजार हो । दोभान बजारमा एक सय जति घरहरु रहेको स्थानीय बताएका छन् ।
प्रतिकृया दिनुहोस