बिहिबार ०६, मङि्सर २०८१ १२:४७
डोटीको पूर्वीचौकी गाउँपालिका–१ फुलौटमा बस दुर्घटना मृत्यु भएका तीन जनाको सनाखत भएको छ ।
मृत्यु हुनेमा अछाम बान्नीगडी ३ बस्ने ६० बर्षका पदम साउद, चौरपाटी ७ बस्ने ३५ बर्षका टीकाराम विक र कैलालीको नारायपुर ४ की ५५ बर्षकी लछ्मा विक रहेको सुदूरपश्चिम प्रदेश ट्राफिक प्रहरी कार्यालय अत्तरियाका प्रहरी निरिक्षक मोहन बहादुर साउदले जानकारी दिए ।
कैलालीबाट अछाम जाँदै गरेको बस दुर्घटना भएको थियो । डोटीको पूर्वीचौकी गाउँपालिका–१ फुलौटमा बस दुर्घटना हुँदा तीन जनाको घटनास्थलमै मृत्यु भएको छ भने २९ जना घाइते भएका थिए ।
जिल्ला प्रहरी कार्यालय डोटीका प्रहरी निरीक्षक कर्णबहादुर बोहराका अनुसार ना ६ ख २५२९ नम्बरको बस दुर्घटनामा परेको हो । नेपाली सेना, नेपाल प्रहरी तथा सशस्त्र प्रहरीको टोलीले घाइतेहरुको उद्धार गरि जिल्ला अस्पताल डोटीमा पुगाएको छ ।
प्रतिकृया दिनुहोस