विप्लव समूहका नेता ओम पुन कारागार चलान

धनगढी। ५० हजार धरौटी बुझाउन नसकेपछि विप्लव समूहका नेता तथा सेती महाकाली ईन्चार्ज ओम पुन कारागार चलान भएका छन् ।

जिल्ला अदालत कैलालीले आज उनलाई ५० हजार धरौटीमा रिहा गर्न आदेश दिएको थियो । न्यायाधीश जयानन्द पनेरुको एकल इजलासको उनलाई ५० हजार धरौटीमा रिहा गर्न आदेश दिएको थियो ।

तर उनले धरौटी बुझाउन नसकेपछि कारागार चलान गरिएको जिल्ला अदालत कैलालीका स्रेस्तेदार राइभान कुन्जेडाले जानकारी दिए । पत्रकार संग संक्षिप्त प्रतिक्रिया दिदै सेती महाकाली ईन्चार्ज ओम पुनले धरौटी तिरे प्रहरीले अर्को मुद्धा लगाउँने निश्चित भएका कारण कोरोनाको जोखिममा आफु धरौटी नतिरी कारागार जाने निर्णय गरेको बताए ।

प्रतिबन्धित नेत्र विक्रम चन्द नेतृत्वको विप्लव समूहका केन्द्रिय सदस्य तथा सेती महाकाली ईन्चार्ज ओम प्रकाश पुन पक्राउ लाई धनगढी उपमहानरपालिका वडा नम्बर ७ को कनरी क्षेत्र बाट असार ३१ ग्ते पक्राउ गरिएको थियो ।

उनी संगै प्रक्राउ परेकी अखिल नेपाल महिला संघ क्रान्तिकारीकी पूर्व केन्द्रिय सदस्य लाई सामान्य तारिखमा रिहाई गरेको छ । पुन समूह भित्र सरकार संग वार्ता गर्नुपर्छ भन्ने मान्यता राख्ने पक्षका नेता हुन् । कटुवा पेस्तोल र गोली सहित प्रहरीले पुनलाई असार ३१ गते पक्राउ गरेको थियो ।