बिहिबार ०६, मङि्सर २०८१ ०४:४५
सरकारले जारी गरेको दलबदल र संवधानिक परिषद्सम्बन्धी दुई अध्यादेशको चर्को आलोचनाका साथै त्यसलाई खारेज गर्नुपर्ने दबाब बढेपछि प्रधानमन्त्री केपी शर्मा ओलीले शुक्रबार मन्त्रिपरिषद् बैठक बोलाएका छन् । बैठक बिहान ११ बजेका लागि बोलाइएको हो ।
अध्यादेशको चौतर्फी आलोचना भएपछि प्रधानमन्त्री केपी ओलीले नेपाल कम्युनिष्ट पार्टीका अध्यक्ष पुष्पकमल दाहाल ‘प्रचण्ड’ र नेता माधवकुमार नेपाललाई अध्यादेश खारेज गरिने आश्वासन दिएका थिए । तर, अध्यादेश कहिले फिर्ता हुने अन्यौल बढेपछि भैँसेपाटीमा नेकपाका शीर्ष नेताहरुको बैठकले तत्कालै अध्यादेश फिर्ता हुनुपर्ने निष्कर्ष निकालेको थियो ।
पार्टीका २० जना स्थायी समिति सदस्यहरुले बुधबार मात्रै अध्यादेशले पार्टीलाई बलियो नबनाउने भन्दै छलफलका लागि तत्काल बैठक बोलाउन माग गर्दै अध्यक्षलाई पत्र पठाएका थिए ।
प्रधानमन्त्रीले यस विषयमा बिहीबार साँझ राष्ट्रपति विद्यादेवि भण्डारीसँग पनि छलफल गरेका थिए ।
अध्यादेश जारी भएपछि समाजवादी पार्टी फुटाउन सांसदलाई नै कथितरुपमा अपहरण गरेको समाचार आएपछि यतिबेला सरकार थप आलोचित बन्न पुगेको छ ।
प्रतिकृया दिनुहोस